افغانستان/غزه-امریکا تسلط / شنونکی
ایډي: 8392370
نېټه: اګست 25/26/28، 2024
ځای: افغانستان
موده: یوه دقیقه او اته دیرش ثانیې
سرچینه: (CCTV) او(CGTN)
محدودیتونه: د چینايي وګړو لپاره نه ده
خپور شوی: 2024-08-29 21:13
وروستی سمون: 2024-08-29 21:17
ویډيويي صحنې
افغانستان -وروستی (CGTN) د چینايي وګړو لپاره نه ده
بشپړ خبر
په پلازمېنه کابل کې یوه افغان سیاسي شنونکي ویلي، چې د سولې او ډیموکراسۍ د ترویج په پلمه د امریکا تسلط په منځني ختیځ کې د دوامدارې بې ثباتۍ اصلي لامل هم شوی دی.
د چین له مرکزي تلویزیون (CCTV) سره په مرکه کې دغه افغان سیاسي شنونکي سید قریب الله سادات په افغانستان کې د امریکا د شل کلنې جګړې له امله نیوکه وکړه او ویې ویل، چې په افغانستان کې یې حضور د ګڼو ملکي وګړو د وژل کېدو، بې شمېره خلکو د بې ځایه کېدو او لا هم د افغانانو د کړاوونو لامل شوی دی.
د ۲۰۲۱ کال د اګست میاشتې په ۱۵مه طالب ځواکونو کابل ونیو، چې له افغانستان څخه د میشتو امریکایي ځواکونو د چټک او بېړني وتلو لامل شو.
هغه وویل، دوی د سولې او ډیموکراسۍ تر شعار لاندې افغانستان ته راغلل،خو ډېر ژر څرګنده شوه چې د دوی اصلي موخه زموږ د هېواد بیارغونه نه وه، بلکې دوی هڅه کوله چې افغانستان د ناټو په یوه مرکز بدل کړي، دوی نه غواړي افغانان پرمختګ وکړي او د خپل هېواد لپاره لاسته راوړنې ولري.
د نوموړي په وینا، چې په سیمه کې د امریکا د دوه لسیزو اوږد حضور د بشري حقونو او ډیموکراسۍ د شعارونو تر شا واقعیتونه رابرسېره کړل او دا یې د سیمه ییزې واکمنۍ د پراختیا لپاره یوازې د وسیلې په توګه په ډاګه کړل.
نوموړی دغه راز زیاتوي، چې د حقیقي بشري حقونو او ډیموکراسۍ په اړه د سیمه ییز تسلط د لومړیتوب ورکولو دا بېلګه په نورو شرایطو کې د امریکا له چلند سره سمون لري، لکه د اسراییلو او فلسطین ترمنځ په روانه شخړه کې د هغې ژورې ښکېلتیا کې.
دغه افغان شنونکي دا هم وویل، چې د امریکا اوسنیو او پخوانیو چارواکو څرګنده کړې چې له هغه وخت راهیسې چې په غزه کې شخړه شدیده شوې، د امریکا حکومت اسراییلو ته د سلګونو څخه د زیاتو وسلو د خرڅلاو اجازه ورکړې ده، چې د تاوتریخوالي په زیاتېدو کې یې مرسته کړې ده.
د نوموړي په خبره، چې بشري حقونه، سوله او ډیموکراسي یوازې هغه وسیلې دي چې امریکایان یې خپلو موخو ته د رسېدو لپاره کاروي. هغه دې ته اشاره وکړه چې د سولې او ډیموکراسۍ د هڅولو په اړه د امریکا ادعاوو په حقیقت کې د فلسطین او اسرائیلو شخړه لاپسې پراخه کړې ده، چې د امریکا د اقداماتو په پایله کې پکې ګڼو کسانو ته مرګ ژوبله اوښتې ده.
