روسیې په اوکراین کې لسګونه امریکايي توغندي له منځه وړي دي. د روسیې ددفاع وزارت وایي چې د دوی ځواکونو د دقیق هدف ویشتونکي توغندي په مرسته په اوکراین کې هغه توغندي او مهمات له منځه وړي چې په وروستیو کې امریکا اوکراین ته ورکړي وو.
امریکا هغه مهال د یادو توغندیو په اړه ویلي وو، چې دقیق هدف په نښه کوي او چټک تر هدفه ځان رسوي. اوس روسیه وایي چې شاوخوا ۳۰۰ دغه توغندي یې له منځه وړي او د وسلو او مهماتو یوه ستره ديپو یې ختمه کړې ده. اوکراین یا امریکا تر اوسه په دې اړه څه نه دي ویلي.
