د شل اوریز نړیوال جام ګروپي سیالیو پړاو کې افغان لوبډله خپله وروستۍ لوبه سبا سهار وختي له ویسټ انډېزۍ لوبډلې سره ترسره کړي. د کرکټ بورډ د مالوماتو له مخې دغه سیالۍ به د افغانستان پر وخت سبا سهار ۵ بجې پیل شي. افغان لوبډلې په خپل ګروپ کې درې لومړۍ لوبې له یوګاندا، نیوزیلینډ او پاپوا نیوګینې ګټلي دي او په دې سره د د سوپر ۸ لوبډلو پړاو ته لار موندلې ده. د نړیوال جام په تېرو لوبو کې بیا پاکستان او ایرلینډ بېګا خپله وروستۍ لوبه وکړه. دا لوبه پاکستان له ایرلینډ وګټله، خو ورسره یې له نړیوال جام سره مخه ښه وکړه ځکه پاکستانۍ لوبډلې د هند او امریکایي لوبډلو څخه تر ماتې خوړو وروسته له مخته تګه پاتې شوه.
