د افغانستان کرکټ بورډ خبر ورکړی، چې د کرکټ ملي لوبډلې لوبغاړي د ۲۰۲۴م کال په شل اوریز نړیوال جام سیالیو کې د ګډون په موخه نن د ویسټ انډیز په لوري وخوځېدل. د مالوماتو له مخې افغان لوبډله به لومړی متحده عربي اماراتو ته ولاړه شي او له هغه ځایه به سبا د لندن له لارې انټېګا ته ورسېږي او هلته به د شل اوریز نړیوال جام سیالیو د بشپړ چمتووالي په موخه په ۱۰ ورځني تمریناتي کمپ کې ګډون وکړي. د یادولو وړ ده، چې د ۲۰۲۴م کال شل اوریز نړیوال جام سیالۍ په امریکا او ویسټ انډېز کې ترسره کیږي، چې لومړۍ لوبه به یې د جون میاشتې په دویمه نېټه د امریکا او کاناډا لوبډلو ترمنځ پیل شي.
