د کندهار ولایت د اطلاعاتو او کلتور ریاست مسوولینو ویلي، چې دغه ولایت ته د امريکا، هسپانیا، ايرلنډ، برازيل او کینیا هیوادونو څخه ۱۶ سیلانیان راغلي دي. د یاد ولایت د اطلاعاتو او کلتور ریاست مسوولینو یادو سیلانیانو ته د ښه راغلاست ترڅنګ دا هم ویلي، چې په افغانستان کې د شته ښکلاوو او واقعیتونه په اړه خپلو هېوادوالو ته معلومات ورکړي. د یادولو وړ ده، چې د سرپرست واک ته تر رسېدو او د هر اړخیز امنیت په راتلو سره په هیواد کې د بهرنیو او کورنیو سیلانیانو شمېر زیات شوی او پرته له کومې اندېښنې ټولو ولایتونو ته سفر کولای شي.
