د نیمروز د عامې روغتیا ریاست مسوولین وایي، چې د دغه ولایت په دلارام ولسوالۍ کې دوه روغتیایي مرکزونه جوړ او ګټي اخیستنې ته وسپارل شول. د یاد ولایت د عامې روغتیا رییس، وویل، چې د دغه ولایت د دلارام ولسوالۍ په رباط او اشکن آباد کې دوه روغتيايي مرکزونه د آسیا پراختیايي بانک په مالي ملاتړ جوړ او ګټې اخیستنې ته وسپارل شول. ورته مهال د سیمې اوسېدونکو د یادو مرکزونو په جوړېدو خوښي وښوده او له حکومت څخه یې وغوښتل چې ورته نورې پروژې هم پلې کړي.
