د کورنیو چارو سرپرست وزیر وايي، د سرپرست حکومت له واکمنېدو وروسته د افغانستان د تجزیه کېدو ټولې دسیسې شنډې شوې. نوموړي د افغان ولس پر یووالي هم ټینګار کړی دی. د کورنیو چارو سرپرست وزیر همداراز په ډاګه کړې، د سرپرست حکومت هېڅ چارواکی د دې حق نه لري چې د نظام له مقرراتو سرغړونه وکړي او په وینا که څوک سرغړونه هم وکړي نو ورسره به قانوني چلند وشي. نوموړي دغه راز ویلي، چې اوسنی حکومت د ټولو ګډ کور دی او ټولو ته د مشروع لار په رڼا کې ازادي او حقونه ورکوي.
