د اوکراین په زاپوریژیا سیمه کې پر یوه ښوونځي او یوې بلې ودانۍ د روسیې په دوو جلا بریدونو کې لږ تر لږه ۲۶ کسان وژل شوي دي. د الجزیرې د راپور له مخې، لومړی برید پر یوه ښوونځي شوی چې د بشري مرستو د وېش لپاره ترې کار اخیستل کېده او دویم برید پر هغې ودانۍ شوی چې ځايي اوسېدونکو د خوندي ځای په توګه پناه ور وړې وه. د اوکراین ولسمشر، ولادمیر زېلنسکي، ویلي چې روسي ځواکونو دغه دوه بریدونه ترسره کړي دي. د راپور له مخې، تر اوسه د ټپیانو د شمېر او د وژل شویو کسانو د هویت په اړه نور جزئیات نه دي خپاره شوي.
