د ریاستالوزراء اداري مرستیال مولوي عبدالسلام حنفي وايي، افغانستان له نیمې پېړۍ بېثباتۍ او تحمیلي جګړو وروسته د ثبات او پرمختګ پر لور ګام اخلي. نوموړي د چهارشنبې په ورځ په کابل کې یوې غونډې ته ویلي، چې ا.ا د سراسري امنیت د ټینګښت ترڅنګ د سړکونو، روغتونونو او علمي مرکزونو په څېر د بنسټیزو تاسیساتو جوړولو ته ځانګړې پاملرنه کړې ده. حنفي زیاته کړې، هڅه کېږي چې د افغانستان کانونه په علمي او تخنیکي بڼه سروې، اکتشاف، استخراج او پروسس شي، څو له یوې خوا د هېواد د ابادۍ لامل شي او له بلې خوا خلکو ته د کار زمینه برابره کړي.
