د افغانستان او تاجکستان د سوداګرۍ او صنایعو خونو رییسانو د دواړو هېوادونو ترمنځ د سوداګرۍ، پانګونې او اقتصادي همکاریو پر پراختیا ټینګار کړی. دواړو لورو د سوداګرو او پانګوالو ترمنځ د مستقیمو اړیکو او د ګډو اقتصادي پروګرامونو د پلي کېدو غوښتنه کړې ده. د افغانستان د سوداګرۍ او پانګونې خونې تاجکستاني سوداګرو او پانګوالو ته په کابل کې د امام ابوحنیفه پنځم ملي او نړیوال نندارتون کې د ګډون بلنه ورکړې ده. دغه راز د تاجکستان د سوداګرۍ او صنایعو خونې هم د افغانستان د سوداګرۍ خونې پلاوي ته په دوشنبې کې د ستر سوداګریز او صنعتي نندارتون کې د ګډون بلنه ورکړې ده.
