د راپورونو له مخې د پاکستان د هوايي ډګرونو ادارې مسوولینو ویلي، چې له شارجې څخه کراچۍ ته روانه د (کې ټو هوايي شرکت) بوینګ ۷۳۷ باروړونکې الوتکه، چې د عملې پنځه غړي یې لېږدول، د کراچۍ لوېدیځ ته د عرب سمندر پر سر له رادار او مخابراتي اړیکو ورکه شوې ده. د چارواکو په وینا، الوتکې تر ورکېدو مخکې د تخنیکي ستونزې راپور ورکړی و. د پاکستان د هوايي ډګرونو ادارې ویلي، د الوتکې د موندلو لپاره یې د لټون او ژغورنې عملیات پیل کړي دي.
