الجزیرې راپور ورکړی چې د ایران د دیر بندر او د قطر د الرویس بندر ترمنځ د توکو د لېږد رالېږد سمندري لار له پنځه میاشتني ځنډ وروسته بېرته پرانېستل شوې ده. د راپور له مخې، دغه لار د ایران پر وړاندې د امریکا او اسراییلو د جګړې له امله تړل شوې وه، خو اوس په دوحه کې د ایران د سفارت او قطري چارواکو ترمنځ د همغږۍ په پایله کې بیا فعاله شوې ده. ویل کېږي، د جګړې پر مهال پر دیر بندر څو ځله بریدونه شوي وو، چې له امله یې دا سمندري لار تړل شوې وه. د راپور له مخې، الرویس بندر قطر ته د ایران د صادراتو له مهمو لارو څخه ګڼل کېږي او د دې لارې بیا پرانېستل به د ترانسپورتي لګښتونو په کمېدو او د توکو د لېږد په چټکتیا کې مهم رول ولوبوي.
