د کورنیو چارو وزیر خلیفه سراجالدین حقاني په کابل کې د افغانستان لپاره د قطر له سفیر ډاکټر مردف القاشوطي سره د دوهاړخیزو اړیکو او یو شمېر مهمو موضوعاتو په اړه خبرې کړې دي. د کورنیو چارو وزارت ویلي، په دې کتنه کې د افغانستان او قطر ترمنځ د اړیکو پر پراختیا، د سیمې پر وضعیت او د افغانستان او نړیوالې ټولنې ترمنځ د تعامل د پیاوړتیا په اړه بحث وشو. خلیفه سراجالدین حقاني د افغانستان په تړاو د قطر رغنده رول وستایه او د دغه هېواد له همکاریو یې مننه وکړه. دواړو لوریو د امنیتي همکاریو د پراختیا او له نشهیي توکو سره د مبارزې په اړه هم د نظرونو تبادله کړې ده.
