د ملګرو ملتونو د ماشومانو د ملاتړ صندوق (یونیسف) په افغانستان کې د پاکستاني پوځي رژیم د وړمې شپې په بریدونو کې د ماشومانو پر شهادت او ټپي کېدو ژوره اندېښنه څرګنده کړې ده. یونیسف په یوه اعلامیه کې ویلي چې د هر ډول شرایطو لاندې د ماشومانو ساتنه یو اساسي ضرورت دی او باید ورته جدي پام وشي. دغې ادارې له ټولو ښکېلو لورو غوښتنه کړې چې د نړۍوال بشردوستانه قانون له مخې خپلو ژمنو ته ژمن پاتې شي او د ماشومانو د خوندیتوب لپاره لازم تدابیر عملي کړي.
