د روسیې دفاع وزارت ویلي، تېره ورځ یې د ۱۳ ساعتونو په موده کې د مسکو په ګډون د هېواد په ۱۳ بېلابېلو ښارونو کې ۳۳۹ اوکرایني ډرون الوتکې رانسکورې کړې دي. د یاد وزارت په وینا، دغه ډرونونه د روسیې پر بېلابېلو سیمو بریدونو ته استول شوي وو، خو د هوايي دفاع سیسټمونو له لوري شنډ او له منځه یوړل شول. رویټرز راپور ورکړی چې د دغو بریدونو له امله د شنبې په ورځ د روسیې په یو شمېر هوایي ډګرونو کې الوتنې په لنډمهالي ډول ځنډول شوې وې. روسي چارواکو تر اوسه د احتمالي زیانونو او تلفاتو په اړه بشپړ جزییات نه دي خپاره کړي.
