د بلوچستان په مرکز کوټه ښار کې اورګاډي ته نږدې د یوې چاودنې له امله ۲۴ کسان وژل شوي او له ۵۰ څخه زیات نور ټپیان دي. د رویټرز د راپورونو له مخې، له چاودنې وروسته د درنو ډزو غږونه هم اورېدل شوي دي. د پاکستان د اورګاډو چارواکو ویلي چې په کوټه کې د جعفر اکسپرېس تګ راتګ په موقت ډول درول شوی دی. د راپور له مخې، د اورګاډي یوه برخه چې پېښور ته روان و، زیانمنه شوې او همدارنګه ۱۰ پارک شوي موټر هم تخریب شوي دي. چاودنې د نږدې ودانیو ښیښې هم ماتې کړې دي.
