د قزاقستان د کرنې وزارت او د اوسپنې پټلۍ ادارې ویلي چې افغانستان ته د غنمو او اوړو صادرات د پام وړ زیات شوي او د ۲۰۲۵ له سپټمبر څخه تر ۲۰۲۶ د مې تر ۲۰مې پورې ۱۱،۷میلیونه ټنه غنم او اوړه افغانستان ته صادر کړي دي. قزاقستان ویلي، چې د پخوا پرتله افغانستان ته د اوړو او خوراکي توکو صادرات ۲،۳ برابره زیات شوې دي. د شمېرو له مخې، افغانستان ته د خوراکي توکو صادرات د تېر کال په پرتله څو برابره لوړ شوي دي. راپور زیاتوي چې د قزاقستان صادرات ازبکستان او قرغزستان ته هم زیات شوي دي. قزاقستاني چارواکي وایي، دا زیاتوالی د نړۍوالې غوښتنې، د لوجستیکي اسانتیاوو ښه والي او د سوداګریزو اړیکو د پراختیا نتیجه ده.
