د ملګرو ملتونو د خوړو او کرنې سازمان (ایف اې او) او نړیوال بانک په ګډه د افغانستان په کلیو کې د کرنیزو کاروبارونو د مالي ملاتړ، د کاري بوختیاوو رامنځته کولو او اقتصادي پیاوړتیا پروګرام پیل کړی دی. یاد سازمان راپور ورکړی چې د دغه پروګرام په چوکاټ کې پنځه کرنیز کاروبارونه د لومړنیو مالي مرستو د ترلاسه کوونکو په توګه ټاکل شوي، څو خپل تولیدات پراخ کړي. د راپور له مخې، دا پروګرام د افغانستان د کرنې سکتور د بیا رغولو لپاره پیل شوی او ټاکل شوي کاروبارونه په هرات، کاپيسا، کندوز، لوګر او تخار ولایتونو کې فعالیت لري.
