د ملګرو ملتونو د بشري مرستو د همغږۍ دفتر (اوچا) راپور ورکړی، چې د افغانستان په زیانمنو سیمو کې د پایداره او دوامدار ملاتړ لپاره بېړنۍ اړتیا موجوده ده. په راپور کې ویل شوي، چې د دغه بنسټ مشرې د افغانستان ختیځو سیمو ته د خپل سفر پر مهال له سیمهییزو چارواکو، د سیمې له اوسېدونکو او بشردوستانه شریکانو سره لیدنې کړې دي. د راپور له مخې، په دغو لیدنو کې له زلزلهځپلو، جګړهځپلو او سېلابځپلو کورنیو سره د بشردوستانه مرستو پر دوام او پیاوړتیا ټینګار شوی دی. اوچا ویلي، وروستیو نښتو او طبیعي پېښو د هېواد ګڼ شمېر اوسېدونکي اغېزمن کړي دي.
