نړۍوال بانک په خپل وروستي راپور کې وړاندوینه کړې چې د افغانستان اقتصاد به په ۲۰۲۶ کال کې شاوخوا ۴ سلنه وده وکړي. د راپور له مخې، دا وده د کورنۍ تقاضا د پیاوړتیا، د خصوصي سکټور د پانګونې زیاتوالي، او د کار بازار ته د راستنېدونکو کډوالو د جذب له امله اټکل شوې ده. خو راپور په عین حال کې خبرداری ورکړی چې په منځني ختیځ کې د جګړو دوام کولی شي د افغانستان پر اقتصاد منفي اغېز ولري. نړۍوال بانک همدارنګه ټینګار کړی چې د افغانستان د سوداګرۍ لویه برخه په ایران پورې تړلې ده. د راپور له مخې، شاوخوا ۶۰ سلنه سوداګري د ایران له لارې ترسره کېږي، او که دا لاره وتړل شي نو اقتصادي وده به کمه او د انفلاسیون کچه به زیاته شي.
