د کابل ښار د اوسېدونکو لپاره د څښاک پاکو اوبو د کمښت ستونزو د حل په موخه، د ښاري اوبو رسولو او فاضلابو امارتي شرکت د کابل د منځمهاله پروژې پاتې کارونه چټک کړي دي. د ښاري اوبو رسولو او فاضلابو امارتي شرکت اجرایيوي رییس مولوي غلام الرحمن کظیم وايي، دغه اوبه چې له شېوکیو سیمې څخه کابل ښار ته رالېږدول کېږي چارې یې شاوخوا ۹۰ سلنه کار بشپړې شوې دي. نوموړی وايي، یاده شبکه، چې د ۴۰۰ مليمتره قطر لرونکي لوی پایپونه لري په هره ثانیه کې د ۱۲۰ لېتره اوبو د لېږد وړتیا لري. د هغه په خبره د دې پروژې په بشپړېدو سره به د کابل د ګڼ مېشتو سیمو د اوبو ستونزه تر ډېره حل شي او زرګونو کورنیو ته به د څښاک پاکې اوبه برابرې شي.
