د ملګرو ملتونو له ماشومانو د ملاتړ صندوق (یونیسف) پر خپله اېکس پاڼه په لیکلي بیان کې ویلي، چې په افغانستان کې یې پر ۱.۵ میلیونو ماشومانو د ښوونیزو کڅوړو وېش پیل کړی دی. یونیسف په بیان کې زیاته کړې، چې دا کڅوړې او ښوونیز توکي د افغانستان د ۱۵ زرو ښوونځیو پر زدهکوونکو وېشل کېږي. د یونیسف په خبره، دا مرستې د نړیوال بانک په ملاتړ برابرې شوې دي. په دې کڅوړو کې د ښوونځي بکس، پنسلونه، کتابچې، او شمعي رنګې دي. له دې وړاندې هم یونیسف ویلي و چې په افغانستان کې ۴ میلیونه ماشومان له زدهکړو بې برخې دي.
