د دفاع وزیر او یو شمېر نورو چارواکو د ملي پراختیا شرکت د فلزي عناصرو، کرنیزو او صنعتي ماشینالاتو له تولیدي فابریکو لیدنه کړې ده. د ملي پراختیا شرکت ویلي چې د دفاع وزیر مولوي محمد یعقوب مجاهد د دغه شرکت کړنې د هېواد د آبادۍ او ځان بسیاینې په برخه کې بېساري ګڼلي او ویلي، یاد شرکت په ډېر کم وخت کې سترې لاسته راوړنې لري. د دفاع وزیر د ملي پراختیا شرکت رهبرۍ ته د هر ډول مرستې او ملاتړ ډاډ ورکړی دی. د ملي پراختیا شرکت اجراییوي مشر عبدالرحمن عطاش ډاډ ورکړی چې دغه شرکت به په ټول قوت سره د هېواد د آبادۍ په برخه کې خپلې هڅې لا ګړندۍ کوي.
