د پوهنې وزارت په خبر پاڼه کې ویلي چې په راتلونکو ورځو کې د سختې ګرمۍ له کبله د پنځو ورځو په موخه د سړو سیمو ټول دولتي او خصوصي ښوونځي رخصت شي. د خبر پاڼې له مخې ټول ښوونځي به له راتلونکې چهارشنبې (د چنګاښ میاشتې ۱۱مه) د بلې اوونۍ تر یکشنبې (د چنګاښ میاشتې ۱۵مه) پورې رخصت وي. له دې وړاندې په افغانستان کې د ملګرو ملتونو د مرستندوی پلاوي دفتر (یوناما) ویلي و چې د راتلونکې میلادي میاشتې (جولای) له لومړۍ تر درېیمې به پر دغه هېواد د سختې ګرمۍ یوه څپه راشي. نوموړي بنسټ زیاته کړې وه چې په ټول افغانستان کې د سختې ګرمۍ اټکل شوی او په ډېرو سیمو کې به تودوخه له منځنۍ کچې، د سانتي ګراډ په کچه له ۲ تر ۱۰ درجو لوړه وي. د ملګرو ملتونو د خوړو او کرنې سازمان هم ویلي و چې د روان کال د جولای له لومړۍ تر درېیمې به پر افغانستان د سختې ګرمۍ یوه څپه راشي.
