په کابل کې د ایران سفیر علي رضا بیکدلي د بهرنیو چارو له سرپرست وزیر امیرخان متقي سره کتلي دي. د بهرنیو چارو وزارت په وینا، دواړو لورو د دوهاړخیزو اړیکو، په ځانګړي ډول د افغان کډوالو د ایستلو پر مسئله خبرې کړې دي. متقي په دې کتنه کې د ایران له لوري د ګرمۍ په دې سخت موسم کې د افغان کډوالو ډلهيیز ایستل خواشینوونکي بللي او غوښتنه یې کړې چې دا موضوع دې له لوړپوړو ایراني چارواکو سره شریکه شي او د ښه ګاونډیتوب پر بنسټ دې د کډوالو د بېرته راستنولو لپاره یو مناسب مېکانیزم رامنځته شي. هغه همداراز د ایران او اسراییلو ترمنځ اوربند د سیمې په ګټه بللی او ټینګار یې کړی چې دا ډول مسایل باید د کړکېچ د مخنیوي په داسې شکل مدیریت شي چې د کړکېچ لامل نه شي. د ایران سفیر ډاډ ورکړی چې د کډوالو موضوع به له خپل حکومت سره شریکه کړي او د حل لپاره به لازم اقدامات ترسره شي.
