په ملګرو ملتونو کې د ایران دایمي استازي امیر سعید ایرواني پرون د امنیت شورا په غونډه کې د ایران او اسراییل ترمنځ د اوربند په ټینګولو کې د قطر د رول ستاینه کړې ده. ایرواني وویل: «زه غواړم د ورور او دوست هېواد قطر حکومت څخه د اسراییل د تېري د پای ته رسولو، اوربند ټینګولو او د سیمه ییز تاوتریخوالي د زیاتوالي د مخنیوي لپاره د صادقانه او ډیپلوماتیکو هڅو لپاره مننه وکړم، چې سیمه ییزه سوله او ثبات ګواښي. ایرواني په غونډه کې د اسراییل د استازي په شتون هم اعتراض وکړ. د ایراني چارواکي له خوا د قطر ستاینه یوازې یوه ورځ وروسته له هغه وشوه، چې ایران په قطر کې د امریکا پر هوايي اډې توغندیز بریدونه وکړل.
