چین-اندونیزیا/ سمندري بېړۍ/ راتګ
ایډي: 8394043
نېټه: د سپتمبر 6، 2024
ځای: چین
موده: یوه دقیقه او دوه ویشت ثانیې
سرچینه: (CCTV)
محدودیتونه: د چینايي وګړو لپاره نه ده
خپور شوی: 2024-09-08 05:24
وروستی سمون: 2024-09-08 05:28
شانګهای، چین – د سپتمبر 6، 2024 (CCTV) د چینايي وګړو لپاره نه ده
بشپړ خبر
د اندونيزيا سمندري روزنيزه بېړۍ بيما سوچي (۹۴۵) د جمعې په ورځ د پنځه ورځني ماموریت په موخه د شانګهای پوځي بندر ته ورسېده چې موخه یې د چين او اندونيزيا تر منځ د سمندري همکاريو او دوستۍ لا ژورتیا ښودل شوې ده.
ویل کېږي دا د اندونیزیا د سمندري ځواکونو د تر ټولو لویې روزنيزې بېړۍ بيما سوچي دوهمه سفر او د اندونیزیا د سمندري ځواکونو د چین ښار ته درېیمه لیدنه بلل شوې ده.
په سیمه ییز وخت شاوخوا دوه نیمې بجې د چين د خلکو د ازادۍ پوځ سمندري ځواک په سمندري بندر کې د کري بيما سوچي د تود هرکلي مراسم هم تر سره کړل.
د یادو مراسمو پر مهال د شانګهای د قوماندې افسر هستاریا دویي پراکوسو وویل، دا زموږ لپاره یو ښه فرصت دی چې له شانګهای څخه یو ځل بیا لیدنه وکړو. دلته مسلکيتوب ته ډېره پاملرنه کېږي، ځکه چې د چین د خلکو سمندري ځواک په چټکۍ سره وده کوي، نوموړی دغه راز زیاتوي چې چین د ډېرو لویو بېړیو سره په سیمه کې یو مهم ځواک جوړوي.
د ښه راغلاست تر مراسمو وروسته، د چين د سمندري بېړۍ مشر شيوژو د کري بيما سوچي نومي بېړۍ افسرانو ته بلنه ورکړه چې له دغې بېړۍ څخه ليدنه وکړي چې وروسته بیا د دواړو لوریو ترمنځ دوستانه تبادله هم وشوه.
د چين د ازادۍ پوځ د سمندري ځواکونو مشر چن جيا يو وويل، موږ به د (کري بيما سوچي بېړۍ) د پنځه ورځني سفر په ترڅ کې د ډيک استقبال، کلتوري او سپورتي فعاليتونه، مسلکي او تخنيکي تبادلې او يو شمېر نور فعاليتونه تنظيم کړو چې د دواړو هېوادونو د سمندري ځواکونو ترمنځ متقابل تفاهم او دوستي لا ژوره شي.
