د انګلستان پلوي فلسطینی لاریون/د وسلو اکمالات
ایډي: 8394014
نېټه: د سپتمبر 7، 2024
ځای: انګلستان
موده: یوه دقیقه او اولس ثانیې
سرچینه: (CCTV)
محدودیتونه: د چینايي وګړو لپاره نه ده
خپور شوی: 2024-09-08 00:48
وروستی سمون: 2024-09-08 05:48
بشپړ خبر
د شنبې په ورځ په لندن کې په لسگونو زرو لاریون کوونکو د فلسطین په پلویتوب واټونو ته راوتلي و، دوی د برېټانیې له حکومته غوښتنه کوله چې اسراییلو ته د وسلو د ورکولو مخه ونیسي.
په یاد لاریون کې نږدې ۲۵۰۰۰ کسانو برخه اخیستې وه، چې دوی له مرکزي لندن څخه په برېټانیا کې د اسراییلو سفارت پر لور لاریون ته دوام ورکړی و.
د لندن پولیسو د ګډوډۍ د مخنیوي لپاره د لاریون پر ځای او وخت سخت بندیزونه لګولي و. د یاد لاریون پر مهال د ځینو ګډونوالو د نیولو خبره هم شوې ده.
د دغه لاریون پر مهال یوه ګډونوال عباس صادق وویل، زه د هغو پرېکړو په اړه خوښ نه یم چې دوی یې ترسره کوي، موږ پر اسراییلو د بندیزونو غوښتنه کوو،که څه هم د برېټانیا حکومت د اسراییلو د ۳۵۰ شرکتونو څخه پر ۳۰ یې د وسلو خرڅلاو ځنډول شوی، خو موږ غواړو او دا هیله لرو چې دوی به د وسلو ټول خرڅلاو وځنډوي.
د یادولو وړ ده چې د انګلستان حکومت د سپتمبر میاشتې په درېیمه نېټه اسراییل ته د وسلو صادراتو د ځینو جوازونو ځنډولو اعلان هم وکړ.
له دې سره هممهاله د بهرنیو چارو وزیر ډیویډ لامي په پارلمان کې وکیلانو ته ویلي و، چې له ۳۵۰ جوازونو څخه یې نږدې ۳۰ ځنډول شوي دي.
لامي هغه مهال ویلي و چې ارزونو یو څرګند خطر ښودلی چې د انګلستان وسلې ممکن د نړیوال بشردوستانه قانون څخه د جدي سرغړونې لپاره وکارول شي.
