د روسیې د دفاع وزارت راپور ورکړی، چې د هغه هېواد هوايي ځواکونو پرون ۲۱ اوکرایني بې پیلوټه الوتکې د بریانسک په ښار کې نسکورې کړې دي. د دغه راپور لهمخې، د اوکراین دغه هوايي برید چې د شپې په نهو بجو پیل شوی و درې ساعته یې دوام وکړ. د روسیې دفاع وزارت وايي، چې په دغو بریدونو کې ځاني تلفات نه دي اوښتي. روسیې د اوکراین پر ضد پوځي عملیات د ۱۴۰۰ کال په کب میاشت کې پیل کړل، چې تر دې دمه یې دواړو غاړو ته درنه مرګ ژوبله اړولې ده.
