د وینزویلا – د خپلواکۍ ورځ / نظامي مراسم
ایډي: 8384744
نېټه: د جولای 7، 2024
ځای: د بولیوریا جمهوریت وینزویلا
موده: یوه دقیقه اوڅلورڅلوېښت ثانیې
سرچینه: (CCTV)
محدودیتونه: د چینايي وګړو لپاره نه ده
خپور شوی: 2024-07-08 01:32
وروستی سمون: 2024-07-08 01:37
ویډیويي صحنې
وینزویلا کاراکاس، – د جولای 5، 2024 (CCTV)
۱ـ ګڼ پوځي نمایشونه روان دي
۲ـ د وینزویلا ولسمشر نیکولاس مادورو پوځي پریډ ګوري
۳ـ غږ (هسپانوي) د وینزویلا ولسمشر نیکولاس مادورو
۴ـ ګڼ پوځي نمایشونه روان دي
۵ـ اورېدونکي
بشپړ خبر
د وینزویلا ولسمشر نیکولاس مادورو د جمعې په ورځ د دغه هېواد د خپلواکۍ د ۲۱۳مې کلیزې د نمانځلو په موخه د پوځي مراسمو (پرېډ)مشري وکړه.
دغه مانور چې د پلازمېنې کاراکاس په ښار کې ترسره شو، څه باندې لس زره وسله وال پولیسو او ۴۶ روسي پوځیانو د ځانګړو مېلمنو په توګه ګډون کړی و.
نیکولاس مادورو په یوه وینا کې د د دوستو هېوادونو له ملاتړ څخه مننه وکړه او له ټولو یې وغوښتل چې د سولې لپاره ګډ کار وکړي.
نوموړي دغه راز وویل چې له نېکمرغه، موږ د بې پیلوټه الوتکو ضد جګړه کې د پرمختللې ټېکنالوژۍ او زموږ د دوستو هېوادونو په شمول د روسیه، چین او ایران ملاتړ له ځان سره لرو. د هغه په خبره هېڅوک باید وینزویلا ته په ټيټه سترګه ونه ګوري. موږ د سولې ملت یو، موږ سوله خوښوو. کله چې موږ د پولو هاخوا شخړه کې ښکېل یو، دا زموږ د خپلواکۍ او ازادۍ لپاره دي، موږ سوله غواړو، مګر موږ د ځان دفاع ته هم چمتو یو
د یادونې ده چې د ۱۸۱۱ کال د جولای په ۵ مه ، وینزویلا په رسمي توګه د هسپانیا څخه جلا شوه کله چې کانګرس د وینزویلا د خپلواکۍ اعلامیه تصویب کړه. وینزویلا د جنوبي امریکا لومړنی هېواد و چې د خپلواکۍ لپاره راپورته شو.
