د غزې تړانګه – شخړه / مرګ ژوبله
ایډي: 8384684
نېټه: د جولای 07- 07 -2024
ځای: بېلابېل
موده: یوه دقیقه او اته دېرش ثانیې
سرچینه: (CCTV)
محدودیتونه: د چینايي وګړو لپاره نه ده
خپور شوی: 2024-07-07 09:25
وروستی سمون: 2024-07- 20:21
ویډیويي صحنې
د غزې تړانګه – د جون 28، 2024 (CGTN) د چینايي وګړو لپاره نه ده
۱ـ سګرټ څکولو صحنه
۲ـ له سیمې څخه د خلکو ویستل، ویجاړې ودانۍ
د غزې تړانګه – د جون 24، 2024 (CGTN د چینايي وګړو لپاره نه ده
۳ـ د اسراییلو د بریدونو وروسته د ویجاړې شوې ودانۍ دننه برخې
د غزې تړانګه د غزې ښار – د جون 22، 2024 (CGTN) د چینايي وګړو لپاره نه ده
۴ـ د اسراییلو له بریدونو وروسته د الشطي د کډوالو ګڼ کمپونه ویجاړ شوي دي
۵ـ ناروغ ماشوم
بشپړ خبر
په غزه کې روغتیايي چارواکو خبر ورکړی، چې په غزه کې د اسراییلو د روانو بریدونو له امله د فلسطینیانو د مړینې شمېر ۳۸۰۹۸ کسانو ته رسېدلی دی.
روغتیایي چارواکو ویلي، له تېرې اکتوبر میاشتې راهیسې چې جګړه پیل شوې، د غزې په تړانګه کې د مرګ ژوبلې سربېره ۷۸۰۷۵ کسان ټپیان شوي دي.
بلخوا د فلسطیني رسنیو د راپورونو له مخې، د اسراییلو پوځ د شنبې په ورځ د غزې په شمال او جنوبي ښار رفح باندې بریدونه کړي چې په پایله کې یې لږ تر لږه اته کسان وژل شوي دي.
له اتو وژل شویو کسانو څخه شپږ تنه هغه وخت ووژل شول کله چې اسراييلي جنګي الوتکو په شمال لوېديځ رفح ښار کې پر يوه موټر بريد وکړ او دوه تنه نور هغه مهال وژل شوي دي کله چې اسراييلي ځواکونو د غزې په ښار کې پر يوه بله سيمه بريد وکړ.
د اسراییلو پوځ د شنبې په ورځ هم د غزې تړانګې په مرکزي سیمه کې د نصیرات په کمپ کې د فلسطیني کډوالو لپاره د ملګرو ملتونو د مرستې او کار ادارې (UNRWA) یو ښوونځی بمبار کړی دی.
د روغتیایي چارواکو په وینا د نصیرات د کډوالو په کمپ کې پر ښوونځي برید لږ تر لږه ۱۶ کسان ووژل او تر ۵۰ ډېر نور یې ټپیان کړل. دغه ښوونځی د بمبارۍ پر مهال د بې ځایه شویو کسانو پناه ځای و.
د غزې تړانګې د حماس دولتي رسنیو دفتر د شنبې په ورځ په یوه بیان کې ویلي چې د تېرې ورځې په اوږدو کې د غزې په بېلابېلو سیمو کې پنځه فلسطیني خبریالان وژل شوي چې له دې سره د وژل شویو فلسطیني خبریالانو شمېر ۱۵۸ ته ورسېد.
