یونسیف د اروپايي ټولنې له لوري د ۲۵ میلیونو یورو له مرستې هرکلی کړی دی. یونیسف وايي یادې مرسته شوې پیسې به په افغانستان کې د څه د پاسه دوو لکو نجونو او هلکانو د زده کړو په چاپیریال جوړولو ولګول شي. د یونسیف له لوري نن په یوې خبرپاڼه کې راغلي چې د یونسیف سره د اروپايي ټولنې له لوري په ۲۵ میلیونه یورو مرسته شویو پیسو به په افغانستان کې د ۳۸۵ لومړنیو ښوونځیو د بنسټیزو چارو او د هغو د څرنګوالي په برخه کې خدمتونه وړاندې کړي. یونسیف په دغه خبرپاڼه کې ویلي، په افغانستان کې شاوخوا نیمايي ماشومان ښوونځي ته نه ځي او د هغو کسانو لپاره چې په ښوونځيو کې دي، د زدهکړو کیفیت په نړۍ کې تر ټولو په ټیټه کچه کې دی.
