د کورنیو چارو د سرپرست وزیر په مالي ملاتړ د پکتیکا ولایت لرې پرتې ولسوالۍ نکې څخه تر زیړوک ولسوالۍ پورې د ۹ کیلومتره سړک د جغل اندازۍ چارې پیل شوې. د پکتیکا والي د دغې سیمې د خلکو ستونزو ته په کتو د دغه سړک جغل اندازي کول اړین بللي. نوموړي زیاته کړې، چې له زیړوک ولسوالۍ څخه د خوست تر سپېرې ولسوالۍ پورې د سړ د جغل اندازۍ چارې هم څو میاشتې وړاندې پیل شوې دي، چې په نږدې راتلونکي کې به بشپړ شي. د سیمې اوسېدونکي هم له سرپرست حکومت څخه په خپلو سیمو کې د رغنیزو، پوهنیزو او روغتیایي پروژو د پلې کېدو له امله خوښ دي. مسولین وایي، د ډیلې ولسوالۍ ترڅنګ په نورو لرو پرتو سیمو کې هم د ورته پروژو د پلې کولو پلان لري.
