د اوسپنې پټلۍ اداره وايي، چې تېره اونۍ د اوسپنې پټلۍ له لارې ۵۱ زره ۲۵۲ مټریک ټنه انتقالات شوي دي. دغه ادارې په یوه خبرپاڼه کې ویلي، چې تېره اونۍ د حیرتانو بندر لارې ۳۲ زره ۷۶۷ مټریک ټنه، د آقینې بندر له لارې ۱۶۰۶ مټریک ټنه او همدارنګه د تورغونډۍ بندر له لارې ۱۶ زره ۸۷۹ مټریک ټنه انتقالات شوي، چې په ټولیزه توګه ۵۱ زره ۲۵۲ مټریک ټنه انتقالات کېږي. یادې ادارې وړمه اونۍ هم د افغانستان اوسپنې پټلۍ له لارې د نږدې ۷۵ زره مټریک ټنو د انتقالاتو خبر ورکړی و.
