د پاکستان موقت لومړي وزير ويلي، هغه افغانان خپل هېواد ته نه ستنوي چې امریکا ته د تګ قضیې یې تر کار لاندې دي. نوموړي ويلي، چې په پاکستان کې زرګونه هغه افغانان چې لویدیځو هېوادونو ته د تګ په نیت پراته دي، اوس له هغه هېواده نه ایستل کېږي. د اسوشېټېډپرېس خبري اژانس د راپور له مخې، د هغو افغانانو شمېر چې امریکا ته د تګ په نیت په پاکستان کې مېشت دي شاوخوا ۲۵ زرو ته رسېږي .دا هغه کسان دي چې افغانستان کې یې د امریکا له پوځي او ملکي ادارو، رسنیو او بشري سازمانونو سره کار کړی او د سرپرست حکومت له بیا واکمنۍ وروسته پاکستان ته تللي دي. دا په داسې حال کې ده، چې له تېرې یوې اوونۍ راهیسې دغه هېواد افغانستان ته د څه باندې ۱۷ لکه بې اسناده افغان کډوالو د جبري ستنولو لړۍ پيل کړې ده
