پاکستان په رسمي توګه له افغانستان سره د بارټر یا جنس په جنس سوداګرۍ د عملي کېدو غوښتونکی دی. د سوداګرۍ او پانګونې خونه وايي، د مګړۍ د افغانستان او پاکستان د سوداګرو تر منځ سوداګري او د پيسو لېږد رالېږد، په غیر رسمي توګه د حوالې او صرافیو له لارې تر سره کېږي. له دې سره سم د صنعت او سوداګرۍ وزارت له پاکستان سره د بارټر سوداګرۍ د عملي کېدو پر څرنګوالي د غونډو له جوړېدو خبر ورکوي. د سوداګرۍ اوپانګونې خونه وايي، په تېرو ۴۰ کلونو کې د افغانستان او پاکستان سوداګر په رسمي او غیر رسمي توګه سوداګري کوي. د دغې خونې مسوولین زیاتوي که سوداګري د بارتر یا د جنس په بدل کې د جنس د سوداګرۍ په چوکاټ کې په قانوني بڼه ترسره شي، د افغانستان په ګټه ده.
