د ۱۴۰۲ ښوونیز کال له پیل سره سم د شپږم ټولګي ځينې زده کوونکې نجونې له سرپرست حکومته غواړي چې دوی ته د زده کړو د دوام اجازه ورکړي. دغه زده کوونکې وايي، که دوی ته ښوونځیو ته د تګ اجازه ورنهکړل شي، شپږ کلنې زده کړې به یې په اوبو لاهو شي. په ورته مهال، د منځنیو ښوونځیو او لېسو ځینې زده کوونکې د خپلو ښوونځیو له تړل پاتې کېدو اندېښمنې دي او وايي چې له نامعلوم برخلیک سره مخامخ دي. یو شمېر کورنۍ هم له سرپرست حکومته غواړي چې، د نجونو متوسطې او لېسې هم پرانیزي. دوی وايي، لوڼې یې ښوونځيو ته د نه تګ له امله له رواني ستونزو سره مخ شوې دي. له څه باندې اتلسو میاشتو راهیسې له شپږم ټولګي پورته زدهکوونکې نجونې ښوونځیو ته له تګه محرومې شوي او دغې مسئلې ته له ګڼو کورنیو او بهرنیو غبرګونونو سره سره لا هم د یادو ښوونځیو برخلیک نه دی روښانه شوی.
