کابینې د افغانستان خاورې ته د بهرنیو باروړونکو موټرو د داخلېدو او تګ راتګ طرحه تصویب کړې ده. د چارو ادارې پر خپله تویټرپاڼه ليکلي، د سرپرست حکومت کابینې د افغانستان قلمرو ته د بهرنيو باروړونکو موټرو دننه کېدو او تګ راتګ طرحه تصویب کړې ده. سرچينې زیاته کړې، د ترانسپورټ او هوایي چلند وزارت ته دنده سپارل شوې چې دغه طرحه له اړوندو ادارو سره په همغږۍ پلې کړي. دا په داسې حال کې ده چې افغان او پاکستاني چارواکو د جلال آباد – پېښور ترمنځ د مسافروړونکو بسونو پر تګ راتګ هوکړه کړې ده.
