په پکتیکا ولایت کې روغتیايي چارواکي وايي چې په دغه ولایت کې یوازې دوه ښځينه ډاکټرانې شته، چې ټولو ناروغانو ته رسېدنه نهشي کولای. د دغو چارواکو په وینا، دا چاره د دې لامل شوې چې د ښځينه ډاکټرانو پر ځای، نرینه ډاکټران وګوماري. پکتيکا ولايت چې څه کم يونيم مېليون نفوس لري، يوازې دوه ښځينه متخصصې ډاکټرانې په کار پکې بوختې دي. د دغه ولايت د لرې پرتو ولسواليو اوسېدونکي وايي په سيمه کې یې د ښځينه ډاکټرانو نشتون د ښځينهوو د ژوند پر وړاندې لوی ګواښ دی او غوښتنه لري، چې هر څومره ژر بايد دا تشه ډکه شي. بلخوا د ښرنې په مرکزي روغتون کې په کار بوختې ښځينه روغتياپالانې وايي د کاري فشار زياتوالي له امله نهشي کولی ټولو ناروغانو ته رسېدنه وکړي. د دغه روغتون مسوولان هم د ښځينه متخصصانو او امکاناتو کمښت جدي ستونزه بولي او وايي د دې روغتون له ارتقاع سره سره یې لا هم اړتیاوې نه دي پوره شوې. د پکتيکا د عامې روغتيا رياست مسوولان هم يادې ستونزې پر ځای بولي او پر نړيوالو روغتيايي ادارو په دې برخه کې د مرستو غوښتنه کوي.
