د افغانستان لپاره د ایران د ولسمشر ځانګړی استازی وايي چې له قطر سره يې په ایران کې د مېشتو افغان محصلینو د زده کړو په اړه هوکړه کړې ده. په افغانستان کې د ایران ځانګړي استازي او سفیر حسن کاظمي قمي پر خپله ټویټرپاڼه ليکلي، په ایران کې د افغان محصلینو د زده کړو په اړه ښې هوکړې وشوې. نوموړی وايي رغنده همکارۍ به د افغانستان د مسئلې په اړه د سیمه ییزو همکاریو د پراختیا لپاره د مناسبو بېلګو د پلي کېدو لپاره یو شرط وي. دغه کتنه په داسې حال کې ترسره شوې چې کابل پرون تهران ته نوي ډيپلوماتان لېږلي دي.
