د پاکستان د کراچۍ په ښار کې افغان کونسل وايي، چې د پاکستان په زندانونو کې لسګونه افغانان ناروغان په بد وضعيت کې ورځې او شپې تېروي. نوموړی وايي چې په دغو بندیانو کې ښځې، ماشومان او لویان هم شامل دي. د پاکستان په کراچۍ ښار کې د افغانستان د سرپرست حکومت دغه چارواکی، له افغان بندیانو سره د پاکستاني پوليسو پر چلند نيوکه کوي او وايي چې په تېرو درېيو مياشتو کې د پاکستان په بندخونو کې څلور افغان بندیان مړه شوي دي. نوموړی وايي چې دا مهال په کراچۍ ښار کې ګڼ شمېر افغان بندیان ناروغه دي، خو د درملنې اجازه نه ورکول کېږي. پاکستان او ایران د شاوخوا اته مېلیونه افغانانو کوربانه دي. د پاکستان په کراچۍ ښار کې افغان کونسل وايي، د پاکستان په زندانونو کې ۷۵۰ افغانان بندیان دي، چې ډېری یې ناروغه او په بد حالت کې دي.
