د بحران نړیوالې ډلې خبرداری ورکړی چې پر مېرمنو باندې محدودیتونو په افغانستان کې بحران نور هم پراخ کړی دی. دغه نړیوال سازمان په خپل راپور کې ویلي چې د ښځو پر کار او زدهکړه باندې محدودیتونه د دې لامل شوي چې نړیوالې مرستندویې موسسې په افغانستان کې خپل عملیات وځنډوي او بسپنه ورکوونکي د خپلو مرستو په کمولو غور وکړي. په راپور کې ویل شوي چې اوس توجه دې ته ده چې څنګه د افغانستان زیانمنه شوې ټولنه د محدودیتونو له نورو ناوړو اغېزو وژغورل شي. د بحران نړیوالې ډلې جګپوړی سلاکار، ګرام سمیټ، د نړیوالې ټولنې غبرګون پر ځای ګام بولي خو وايي چې فکر نه کوي چې دا به د ا.ا د دریځ په بدلولو کې اغېزمن ثابت شي. د بحران نړیوالې ډلې اندېښنه ښودلې چې د ا.ا د اقداماتو په نتیجه کې له افغانستان سره نړیوالې خیریه مرستې په داسې حال کې ټکنۍ شوي چې ددغه هېواد نیمايي نفوس سخته لوږه تېروي.
