پخواني ولسمشر حامد کرزي د افغانستان لپاره د ملګرو ملتونو د ځانګړې استازې له سیاسي مرستیال سره په کتنه کې په هېواد کې د ملي بحث پر جوړېدو ټينګار کوي. په دې لیدنه کې د نجونو پر مخ د ښوونځيو او پوهنتونونو د خلاصون په ګډون د هېواد پر روانو چارو هم خبرې شوې دي. کرزي په یوه ټویټ کې ویلي چې، په دې کتنه کې یې په هېواد کې د تل پاتې سولې لپاره په ملي کچه د خبرو اترو د ترسره کېدو پر اړتیا ټینګار کړی دی. اخوا ا.ا بیا وايي چې، له سیاستوالو سره د خبرو اترو وخت نه دی او اوس دغې چارې ته څه اړتیا نشته. تر دې مخکې هم ځينو سیاستوالو په هېواد کې په ملي کچه د خبرو اترو پر ترسره کېدو ټینګار کړی دی.
