د ننګرهار کانال ریاست مسوولین وایي، چې د کامې ولسوالۍ ګرداب سیمه کې د ۳۵ میلیونه افغانیو په لګښت د کانال په ۶۰۰ جریبه ځمکه چې کلونه تر غصب لاندې وه، له غصب خلاصه کړې او د مالټو بڼونو جوړولو چارې يې پرې پیل کړې دي. ننګرهار د هیواد یو له زراعتي ولایتونو شمیرل کېږي چې په کې د کرنې او باغدارۍ لپاره ډېرې ځمکې، اوبه او نور کافي امکانات شتون لري. د کرنیزو چارو پوهان وایي، که ترې د ګټې اخیستنې لپاره هڅې چټکې شي نو پدې سره به د ډېرو هغه توکو اړتیا په کور دننه پوره شي، چې اوس مهال له هېواد بهره دې ولایت ته واردېږي.
