د مالیې وزارت وایي چې له قرارداديانو پرته د ټولو دولتي مامورینو د کب دمیاشتې معاشونه همدا اوس ورکول کېږي. دغه وزارت په یوه خبرپاڼه کې ویلي، د کب میاشتې له پای ته رسېدو سره سم، روان ۱۴۰۱مالي کال ختمېږي او د راتلونکي مالي کال د بودجې تر تصویب پورې د ماليې وزارت د خزاينو د سیسټم فعالیت درېږي او بیا هیڅ ډول رسمي حوالې نه اجرا کېږي. سرچینې زیاته کړې، په همدې اساس د مالیې وزارت وغوښتل چې د ټولو دولتي کارکونکو پرته له قرارداديانو د کب میاشتې معاش د همدې مياشتې له لومړۍ نېټې څخه اجرا کړي، چې د کب میاشتې د معاش په ورکړه کې احتمالي ځنډ رامنځته نشي. د مالیې وزارت ویلي، د قراردادي کارکوونکو معاش به د کب میاشتې له ۱۵مې څخه اجرا شي.
