د قطر د بهرنیو چارو وزارت وایي، د ایران او امریکا ترمنځ د جګړې د پای ته رسولو لپاره خبرې او د پیغامونو تبادله لا هم روانه ده. د دغه وزارت چارواکي ابراهیم الهاشمي ویلي، د دواړو لوریو ترمنځ غیرمستقیمې خبرې د قطر او د هغه د سیمهییزو شریکانو په منځګړیتوب دوام لري. نوموړي زیاته کړې، د جګړې پراخوالی او درانه لګښتونه ایجابوي چې د خبرو له لارې د هغې د سمدستي پای ته رسولو لپاره ټولې هڅې وشي.
