د افغانستان لپاره ځانګړي وجهي صندوق (ایس ټي ایف اې) وایي، د ملګرو ملتونو له ۱۲ بنسټونو سره په ګډ پروګرام کې د افغانستان په پنځو شمالي ولایتونو کې له درې میلیونو ډېر کسان له بشري او پراختیايي مرستو او خدماتو برخمن شوي دي. د دغه صندوق په راپور کې راغلي، یاد پروګرام په بلخ، سمنګان، سرپل، فاریاب او جوزجان ولایتونو کې پلي شوی او ۵۳ سلنه ګټهاخیستونکي یې ښځې او نجونې دي. د راپور له مخې، له ۲.۵ میلیونو ډېر کسان بنسټیزو خدماتو او بیارغول شوو زېربناوو ته لاسرسی موندلی، څه باندې ۴۵۹ زره ښځو، ماشومانو او زیانمنو کسانو روغتیايي خدمات او رواني ـ ټولنیز ملاتړ ترلاسه کړی او له ۱۷ زرو ډېرې کورنۍ له اقتصادي ملاتړ برخمنې شوې دي.
