د اطلاعاتو او فرهنګ وزارت د خپرونو چارو مرستیال، مهاجر فراهي د افغانستان پر ځینو سیمو د پاکستان وروستي هوايي بریدونه غندلي دي. نوموړي نن په یوه غونډه کې ویلي، چې د دغو بریدونو له امله د ښځو او ماشومانو په ګډون یو شمېر ملکي وګړي شهیدان او ټپیان شوي دي. فراهي ټینګار کړی چې د پاکستان بریدونه به د ا.ا له غبرګون پرته پاتې نه شي او ویلي یې دي، چې ا.ا به په مناسب وخت کې دغو بریدونو ته ځواب ورکړي.
