د پنجشېر ولایت د عنابې ولسوالۍ په مربوطاتو کې د فیروزې یو نوی کان پېژندل شوی دی. د پنجشېر د والي ویاند سیفالدین لټون وایي، د کانونو او پټرولیم ریاست یوه تخنیکي ډله د دغه کان د سروې، نمونې اخیستنې او د زېرمو د کچې او کیفیت د ارزونې لپاره ګومارل شوې ده. د نوموړي په وینا، که د کان زېرمې تایید او قانوني چارې یې بشپړې شي، د فیروزې د استخراج زمینه به برابره شي. نوموړي زیاته کړې چې تر دې مخکې په پنجشېر کې د زمرد، تورمالین، شین ګارنېټ او شاوخوا ۱۷ نورو ډوله کانونو زېرمې هم پېژندل شوې دي.
