د بلخ د کرنې، اوبولګولو او مالدارۍ ریاست وايي، سږ کال په دغه ولایت کې د غنمو تولید شاوخوا ۳۴۰ زره ټنو ته رسېږي، چې د تېر کال په پرتله ۶۵ سلنه زیاتوالی ښيي. د یاد ریاست په وینا، د ورښتونو زیاتوالی، د غنمو د کرنیزو ځمکو پراخوالی او د اوبو ښه شتون د حاصلاتو د زیاتېدو مهم عوامل دي. سږ کال په بلخ کې پر څه باندې ۱۸۰ زره هکټاره للمي او اوبیزه ځمکه غنم کرل شوي، خو یو شمېر کروندګر د کیمیاوي سرو د لوړو بیو او د اوبو د کمښت له ستونزو شکایت کوي. د بلخ د کرنې ریاست د شمېرو له مخې، تېر کال په دغه ولایت کې څه باندې ۲۰۵ زره ټنه غنم تولید شوي وو.
